ციფრული ტრანსფორმაციის, ხელოვნური ინტელექტის, დიდი მონაცემების და პროგრამული სისტემების სწრაფი განვითარების პირობებში, კომპიუტერული მეცნიერების სპეციალისტი წარმოადგენს ერთ-ერთ ყველაზე მოთხოვნად და კონკურენტუნარიან პროფესიას როგორც კერძო სექტორში, ისე სახელმწიფო და საერთაშორისო ორგანიზაციებში.
ქართულ-ამერიკული უნივერსიტეტის კომპიუტერული მეცნიერების სამაგისტრო პროგრამა შექმნილია თანამედროვე ტექნოლოგიური ტენდენციების, აკადემიური სტანდარტებისა და შრომის ბაზრის მოთხოვნების გათვალისწინებით. პროგრამა აერთიანებს როგორც თეორიულ საფუძვლებს, ისე პრაქტიკულ და კვლევით კომპონენტებს, რაც უზრუნველყოფს კურსდამთავრებულის მაღალ პროფესიულ მზაობას.
ამდენად, კომპიუტერული მეცნიერების სამაგისტრო პროგრამის მიზანია:
- მოამზადოს მაღალკვალიფიციური კომპიუტერული მეცნიერების მაგისტრი, რომელიც ფლობს თანამედროვე ალგორითმებს, მონაცემთა დამუშავების, პროგრამული სისტემების, ხელოვნური ინტელექტისა და მანქანური სწავლების მეთოდებს და შეძლებს მათ პრაქტიკულ დანერგვას;
- ჩამოაყალიბოს სპეციალისტი, რომელიც მზად იქნება როგორც პრაქტიკული, ისე კვლევითი საქმიანობისათვის კომპიუტერული მეცნიერების, ინფორმაციული ტექნოლოგიებისა და მონაცემებზე დაფუძნებული სისტემების სფეროში;
- განუვითაროს სტუდენტს კომპლექსური პრობლემების ანალიზის, ეფექტური გადაწყვეტილებების მიღების, ტექნოლოგიური პროექტების დაგეგმვისა და განვითარების უნარი;
- გამოუმუშავოს გუნდურ გარემოში მუშაობის, პროფესიული კომუნიკაციისა და პასუხისმგებლობის მაღალი კულტურა;
- განუვითაროს აკადემიური წერის, ტექნიკური ან სამეცნიერო დოკუმენტაციის მომზადებისა და მიღებული შედეგების წარდგენის უნარები;
- მისცეს დამოუკიდებელი სამეცნიერო-კვლევითი მუშაობისათვის აუცილებელი ცოდნა და უნარ-ჩვევები, შემდგომ საფეხურზე, სადოქტორო პროგრამაზე სწავლის გასაგრძელებლად.
შესაბამისად, ქართულ-ამერიკული უნივერსიტეტის კომპიუტერული მეცნიერების სამაგისტრო პროგრამა განკუთვნილია მათთვის, ვისაც სურს გაიღრმაოს ცოდნა პროგრამირებაში, დეველოპმენტში, მონაცემთა მეცნიერებაში, ხელოვნურ ინტელექტში, პროგრამული სისტემების არქიტექტურაში, ან გააგრძელოს საქმიანობა აკადემიურ და კვლევით სფეროში.
კომპიუტერული მეცნიერების მაგისტრი შეიძლება დასაქმდეს შემდეგ პოზიციებზე:
- პროგრამისტი (ე.წ. middle და senior პროგრამისტი);
- დეველოპერი (ე.წ. middle და senior დეველოპერი);
- IT ინფრასტრუქტურის ადმინისტრატორი;
- ბიზნეს ანალიტიკოსი/ჯგუფის უფროს;ი
- პროგრამული უზრუნვეყოფის განვითარების ინჟინერი/არქიტექტორი;
- პროგრამული უზრუნველყოფის ტესტირების ჯგუფის წევრი/უფროსი/ლიდი;
- სისტემური ადმინისტრატორი;
- მონაცემთა ბაზების ადმინისტრატორი;
- ხელოვნური ინტელექტის/მანქანური სწავლების დეველოპერი და სხვა.
პროგრამის დეტალური აღწერილობა იხილეთ მიბმულ ფაილში: კომპიუტერული მეცნიერებები
კომპიუტერული მეცნიერების სამაგისტრო პროგრამის ფარგლებში სტუდენტმა კვალიფიკაციის მისაღებად უნდა დააგროვოს - 120 კრედიტი. რომელიც იყოფა სასწავლო/პრაქტიკულ და კვლევით კომპონენტებად. აგრეთვე მასში შედის არჩევითი/თავისუფალი კომპონენტი.
- ძირითადი სწავლის სფეროს სავალდებულო კომპონენტები - 66 კრედიტი;
- ძირითადი სწავლის სფეროს არჩევითი კომპონენტები - 30 კრედიტი;
- კვლევითი კომპონენტი - 24 კრედიტი.
სამაგისტრო პროგრამაზე სწავლების სტანდარტული ხანგრძლივობა არის 2 წელი, 4 სემესტრი. ერთი სასწავლო წლის განმავლობაში სტუდენტი აგროვებს 60 კრედიტს, ე.ი. სემესტრში 30 კრედიტს, თუმცა სტუდენტის ინდივიდუალური დატვირთვიდან გამომდინარე წელიწადში კრედიტების რაოდენობა შეიძლება იყოს 60 კრედიტზე მეტი ან ნაკლები, მაგრამ არაუმეტეს 75 კრედიტისა.
სამაგისტრო პროგრამის სასწავლო გეგმა იხილეთ მიმაგრებული ფაილში: კომპიუტერული მეცნიერებები
კომპიუტერული მეცნიერების სამაგისტრო პროგრამა განკუთვნილია იმ პირთათვის, რომლებსაც უკვე მიღებული აქვთ უმაღლესი განათლება შესაბამის ან მონათესავე (ინჟინერია, ბიზნეს ადმინისტრირება, საბუნებისმეტყველო მეცნიერებები) დარგში და სურთ გაიღრმავონ ცოდნა კომპიუტერულ მეცნიერებაში.
- სამაგისტრო პროგრამაზე ჩარიცხვის აუცილებელ წინაპირობას წარმოადგენს:
- ბაკალავრის ან მასთან გათანაბრებული აკადემიური ხარისხი;
- საერთო სამაგისტრო გამოცდების წარმატებით ჩაბარება;
- შიდა საუნივერსიტეტო პროცედურის გავლა, რომელიც შედგება შემდეგი ეტაპებისაგან:
- დოკუმენტაციის ანალიზი - ამ ეტაპზე ხდება უნივერსიტეტის მიერ შემუშავებული საერთო სააპლიკაციო ფორმის შევსება, რომელიც მოიცავს აპლიკანტის პროფესიული ბიოგრაფიის შეფასებას;
- გამოცდის ჩაბარება ინგლისურ ენაში (B2 დონე) - გამოცდიდან განთავისუფლდებიან ის აპლიკანტები, რომლებიც წარმოადგენენ შესაბამისი კვალიფიკაციის დამადასტურებელ სერთიფიკატს (TOEFL, IELTS) ან ბაკალავრის ან შემდგომი საფეხურის საგანმანათლებლო პროგრამა დასრულებული აქვთ ინგლისურ ენაზე;
- გამოცდა და გასაუბრება სპეციალობაში* - რომლის მიზანია შეფასდეს აპლიკანტის ცოდნა ICTs სფეროში.
უცხო ქვეყნის მოქალაქეები პროგრამაზე მიიღებიან საერთო სამაგისტრო გამოცდების გარეშე, კანონმდებლობით დადგენილი წესით.
* საგამოცდო საკითხები სპეციალობაში წინასწარ განთავსდება უნივერსიტეტის ვებ-გვერდზე.
სამაგისტრო საგანმანათლებლო პროგრამაზე მობილობის წესით ჩარიცხვა შესაძლებელია წელიწადში ორჯერ, საქართველოს განათლებისა და მეცნიერების სამინისტროს მიერ დადგენილ ვადებში, სავალდებულო პროცედურებისა და უნივერსიტეტის მიერ დადგენილი წესების დაცვით. იხ. მობილობის ვადები და წესი/პროცედურა.
სამაგისტრო საგანმანათლებლო პროგრამაზე ჩარიცხვა, ან გადმოყვანის წესით ჩარიცხვა სხვა ქვეყნის აღიარებული უმაღლესი საგანმანათლებლო დაწესებულებიდან ხორციელდება საქართველოს განათლებისა და მეცნიერების მინისტრის ბრძანების საფუძველზე.
სტუდენტის მიერ შესაბამის სასწავლო კომპონენტში კრედიტების მიღება/დაგროვება სწავლების პროცესში აქტიურ მონაწილეობას ითვალისწინებს და შეძენილი ცოდნის უწყვეტი შეფასების პრინციპს ეფუძნება. სწავლის შედეგების მიღწევის დონე ფასდება „უმაღლესი საგანმანათლებლო პროგრამების კრედიტებით გაანგარიშების წესის შესახებ“ საქართველოს განათლებისა და მეცნიერების მინისტრის 2007 წლის 5 იანვრის№3 ბრძანებით დამტკიცებული შეფასების სისტემის თანახმად.
სწავლის შედეგების მიღწევის დონის შეფასება მოიცავს შეფასების ფორმებს - შუალედურ და დასკვნით შეფასებას, რომელთა ჯამი წარმოადგენს საბოლოო შეფასებას - 100 ქულას.
შეფასების ფორმები მოიცავს შეფასების კომპონენტს/კომპონენტებს, რომელიც განსაზღვრავს სტუდენტის ცოდნა/გაცნობიერების ან/და უნარის ან/და ავტონომიურობა/პასუხისმგებლობის შეფასების ხერხს (ზეპირი/წერითი გამოცდა, ზეპირი/წერითი გამოკითხვა, პრაქტიკული/თეორიული სამუშაო, საშინაო დავალება და სხვა.). შეფასების კომპონენტები აერთიანებს შეფასების მეთოდებს (ტესტი, პრეზენტაცია და სხვა). შეფასების მეთოდი იზომება შეფასების კრიტერიუმებით.
შეფასების თითოეულ ფორმას და კომპონენტს შეფასების საერთო ქულიდან (100) განსაზღვრული აქვს ხვედრითი წილი, რაც აისახება კონკრეტულ სილაბუსში.
შეფასების თითოეულ ფორმას აქვს მინიმალური კომპეტენციის ზღვარი - შუალედური შეფასებისთვის მინიმუმ 25 ქულა, დასკვნითი შეფასებისთვის მინიმუმ 16 ქულა.
მინიმალური კომპეტენციის ზღვარი შეიძლება დადგინდეს შეფასების კომპონენტის/კომპონენტებისთვისაც, რაც დაწვრილებით გაიწერება სასწავლო კურსის სილაბუსით.
დაუშვებელია კრედიტის მინიჭება შეფასების მხოლოდ ერთი ფორმის გამოყენებით. სტუდენტს კრედიტი ენიჭება დადებითი შეფასების მინიჭების შემთხვევაში.
შეფასების სისტემა უშვებს:
ა) ხუთი სახის დადებით შეფასებას:
- (A) ფრიადი – 91-100 ქულა;
- (B) ძალიან კარგი – 81-90 ქულა;
- (C) კარგი – 71-80 ქულა;
- (D) დამაკმაყოფილებელი – 61-70 ქულა;
- (E) საკმარისი – 51-60 ქულა.
ბ) ორი სახის უარყოფით შეფასებას:
- (FX) ვერ ჩააბარა – 41-50 ქულა, რაც ნიშნავს, რომ სტუდენტს ჩასაბარებლად მეტი მუშაობა სჭირდება და ეძლევა დამოუკიდებელი მუშაობით დამატებით გამოცდაზე ერთხელ გასვლის უფლ᳥ბა;
- (F) ჩაიჭრა – 40 ქულა და ნაკლები, რაც ნიშნავს, რომ სტუდენტის მიერ ჩატარებული სამუშაო არ არის საკმარისი და მას სასწავლო კურსი/საგანი ახლიდან აქვს შესასწავლი.
სტუდენტის საბოლოო რეიტინგის დასადგენად და მათ წასახალისებლად სასწავლო პროცესის დასრულებისას გამოითვლება კუმულატიური ქულა (GPA).
კუმულატიური ქულის გამოთვლა შემდეგნაირად ხორციელდება: ყოველ სასწავლო კურსში სტუდენტის მიერ მიღებული ქულის რაოდენობრივი მაჩვენებელი მრავლდება ამ სასწავლო კურსისათვის განკუთვნილი კრედიტის რაოდენობაზე და შემდეგ ამ რიცხვების საერთო ჯამი იყოფა სტუდენტის მიერ დაგროვილი კრედიტების რაოდენობაზე.
სწავლის საფასური - 2026-2027 სასწავლო წელი
ŷȺ-ს კომპიუტერული მეცნიერების სამაგისტრო პროგრამაზე სწავლის წლიური საფასურია 3,900*&Բ;ლარი. გადახდა ხდება წელიწადში ორჯერ, თანაბარი ოდენობით, თითოეული სემესტრის დაწყებამდე.
უცხოელი (საქართველოს მოქალაქეობის არმქონე) სტუდენტ᳥ბისთვის სწავლის საფასური იხილეთ ბმულზ᳥.
სპეციალური დაფინანსება:
იმ შემთხვევაში თუ, უნივერსიტეტში ერთდროულად სწავლობენ ერთი ოჯახის წევრები, მათზე ვრცელდება 20%-იანი შეღავათი.
* არასტანდარტული ვითარების შემთხვევებში გაითვალისწინეთ:
- დაწესებული ფასდაკლებები იანგარიშება შემდეგნაირად: ძირითადი საგნების კრედიტებზე დარიცხულ თანხას გამოკლებული ფასდაკლება შესაბამისი პროცენტით ან კონკრეტული თანხით;
- იმ შემთხვევაში თუ სტუდენტს ეკუთვნის რამოდენიმე ფასდაკლება, აკლდება მხოლოდ ერთი ფასდაკლება - თანხით ყველაზე მაღალი;
- პროცენტული ფასდაკლებები მოქმედებს მხოლოდ ძირითადი საგნების კრედიტებზე დარიცხულ თანხებზე და არა დამატებით აღებულ საგნების კრედიტებზე;
- იმ შემთხვევაში თუ ერთ-ერთ ოჯახის წევრს აქვს ძირითადი საგნის კრედიტზე დარიცხული გადასახადი, ხოლო მეორეს დამატებით აღებული საგნის კრედიტზე დარიცხული გადასახადი, 20%-იანი ფასდაკლება ეკუთვნის მხოლოდ ძირითადი საგნის კრედიტის გადასახადის მქონე სტუდენტს;
- იმ შემთვევაში თუ ერთი ოჯახის წევრებიდან ერთ-ერთს აქვს 20%-ზე მეტი ფასდაკლება, მეორე სარგებლობს 20%-იანი ფასდაკლებით;
- იმ შემთხვევაში თუ სტუდენტს ეკუთვნის რამოდენიმე ფასდაკლება, მათ შორის თანხობრივი ფასდაკლება, პირველ რიგში აკლდება თანხობრივი და შემდეგ პროცენტული ფასდაკლება.
დამატებითი ინფორმაციისთვის დაგვიკავშირდით:
თამარ ჭელიძე
(+995) 555 326 009
(+995 32) 220 65 20 (319)
tamarchelidze@gau.edu.ge
